ქმარ-შვილის მკვლელობაში ბრალდებული მაგდა პაპიძის მიერ გაკეთებული განცხადების საფუძველზე თბილისის პროკურატურამ გამოძიება დაიწყო.

აღნიშნულთან დაკავშირებით საგამოძიებო უწყება განცხადებას ავრცელებს.

„ქ.თბილისის პროკურატურის საგამოძიებო ნაწილში დაიწყო გამოძიება, პოლიციის თანამშრომელთა მხრიდან სამსახურებრივი უფლებამოსილების ძალადობით გადამეტების ფაქტზე, საქართველოს სისხლის სამართლის კოდექსის 333-ე მუხლის მე-3 ნაწილის „ბ“ ქვეპუნქტით გათვალისწინებული დანაშაულის ნიშნებით.

გამოძიების დაწყებას საფუძვლად დაედო თბილისის საქალაქო სასამართლოში, აღკვეთის ღონისძიების შეფარდების საკითხის განხილვისას ბრალდებული მაგდა პაპიძის მიერ გაკეთებული განცხადება იმის შესახებ, რომ ადგილი ჰქონდა მის მიმართ პოლიციელთა მხრიდან ძალადობას“, - ნათქვამია განცხადებაში.