დადასტურდა რომ ბრალდებული ცრუობს, ის ვერ იტანდა მეუღლეს

დადასტურდა რომ ბრალდებული ცრუობს, ის ვერ იტანდა მეუღლეს - პროკურორი

სამართალი - 20:27, 22 Dec, 2015

54257

ორ მკვლელობაში ბრალდებული მაგდა პაპიძის სასამართლოზე გაკეთებულ განცხადებას სიცრუე უწოდა საქმის პროკურორმა ელენე ჩხეიძემ. "ჩვენს მიერ დასმულმა კითხვებმა თვალნათლივ დაადასტურა, თუ როგორ ცრუობს ბრალდებული. აქიდან გამომდინარე ჩვენს მიერ წარგგენილი ყველა მტკიცებულება მოსამართლემ გაიზიარა და არსებული მტკიცებულებების გათვალისწინებით, ბრალდებულს პატიმრობა შეეფარდა"- განუცხადა ჟურნალისტებს პროკურორმა.
ელენე ჩხეიძის განცხადებით, ბრალდებულის მიმართ პოლიციელების მხრიდან განხორციელებულ შესაძლო ძალადობის ფაქტს შეისწავლიან.
რაც შეეხება პაპიძის მეგობარ მამაკაცს, ოთარ ბერძენიშვილს, პროკურორის, განცხადებით, მამაკაცის მონაწილეობა მკვლელობის საქმეში არ დასტურდება.
რაც შეეხება მკვლელობის მოტივს, როგორც პროკურორმა აღნიშნა, მაგდა პაპიძე ვერ იტანდა მეუღლეს და მასთან კონფლიქტიჰქონდა .
სხდომის დასრულების შემდეგ კომენტარი გააკეთა მაგდა პაპიძის ადვოკატმა.
როგორც ხათუნა ჩხაიძემ აღნიშნა, ის აღმკვეთი ღონისძიების განჩინების გასაჩივრებას გეგმავს.
ადვოკატის თქმით, მაგდა პაპიძე უდანაშაულოა და ამის შესახებ მან პროცესზეც ისაუბრა.
"პაპიძემ განაცხადა, რომ ის უდანაშაულოა. მაგდამ ისიც განაცხადა, თუ რატომ გადააგდო ურო - იმიტომ, რომ მას ქმრის ეშინოდა. რაც შეეხება ჩვენს შუამდგომლობას, ჩვენი შუამდგომლობა განპირობებული იყო იმით, რომ მაგდა პაპიძე ვერ მოახდენდა გავლენას ვერანაირად გამოძიებაზე. მაგდა პაპიძეს ასევე სურდა თავისი ქმრისა და შვილის დაკრძალვაზე დასწრება" - განაცხადა მაგდა პაპიძის ადვოკატმა ხათუნა ჩხაიძემ.