საქმეში არ არსებობს მისი აღიარებითი ჩვენება

საქმეში არ არსებობს მისი აღიარებითი ჩვენება - მაგდა პაპიძის ადვოკატი

სამართალი - 18:11, 22 Dec, 2015

3684

მცირეწლოვანი შვილისა და მეუღლის მკვლელობაში ბრალდებული მაგდა პაპიძის ადვოკატის თქმით, მისი დაცვის ქვეშ მყოფი საქმის გახსნით დაინტერესებულია.
"მაგდა პაპიძე დაინტერესებულია, რომ ეს საქმე გაიხსნას. ის არ აპირებს მიმალვას, პირიქით, თბილისში აპირებს ცხოვრების გაგრძელებას. საქმეში არ არსებობს მისი აღიარებითი ჩვენება. არსებობს მტკიცებულებები, რომ ის უდანაშაულოა. მაგდა პაპიძე ამტკიცებს, რომ ის იმყოფებოდა სახლში, მეუღლე და შვილი გასულები იყვნენ გარეთ. როდესაც ის მოსაძებნად გავიდა, შემთხვევით დაინახა სადარბაზოში დავარდნილი მეუღლე და შვილი. მისი თქმით, არავის ხმა არ გაუგია. ამის შემდეგ, როცა მაგდა ცდილობდა მათ საავადამყოფოში გადაყვანას, ამ დროს დაუძახა საშველად დედამთილს” – განაცხადა მაგდა პაპიძის ადვოკატმა ხათუნა ჩახაიძემ.

პროცესის დაწყებამდე ჟურნალისტებთან კომენტარი გააკეთა საქმის პროკურორმა.
მისი თქმით, გამოძიების ხელთ არსებული ყველა მტკიცებულება, რომელიც პაპიძის დანაშაულზე მიუთითებს.
შეგახსენებთ, დიღმის მასივის მიმდებარე ტერიტორიაზე 27 წლის მამაკაცი და მისი 5 წლის შვილი მოკლული იპოვეს. მამაკაცის დაღუპვის მიზეზი თავში მძიმე საგნის ჩარტყმა გახდა, ხოლო ბავშვი - გაგუდულია. ფაქტზე გამოძიება ამ დროისთვის 109-ე მუხლით მიმდნარეობს, რაც დამამძიმებელ გარემოებებში განზრახ მკვლელობას გულისხმობს.