სანდრო გირგვლიანის მამა იმედოვნებს, რომ არ მოხდება მურუსიძის მოსამართლედ არჩევა

სანდრო გირგვლიანის მამა იმედოვნებს, რომ არ მოხდება მურუსიძის მოსამართლედ არჩევა - ,,ირინას ბრძოლას მაშინ აზრი არ ჰქონია“

სამართალი - 15:38, 22 Dec, 2015

1499

გურამ გირგვლიანი საქართველოს პრეზიდენტს, ირინა ენუქიძის თამარ მეფის ორდენით დაჯილდოებისათვის მადლობას უხდის და აცხადებს, რომ ირინა ენუქიძე იყო პირველი ადამიანი, ქალი, დედა, რომელმაც დაიწყო ბრძოლა სააკაშვილის ხელისუფლების წინააღმდეგ.

გურამ გირგვლიანის განცხადებით, იმ საზოგადოებამ, რომელიც ირინას გვერდით იბრძოდა 2012 წლის ოქტომბერში ახალი ხელისუფლება მოიყვანა ქვეყნის სათავეში, რომლის პირველი მიზანი იყო სამართალი.

მისი თქმით, დღეს კიდევ ბევრი ოჯახი ეძებს სამართალს. დღესაც, ის პირები, რომლებიც კოჰაბიტაციიდან გამომდინარე მოხვდნენ ხელისუფლების მაღალ ეშელონებში და დღესაც იბრძვიან, რომ სამართალმა არ იზეიმოს.

„არის ასეთი მოსამართლე იუსტიციის საბჭოდან - ლევან მურუსიძე, რომელიც პირადად დღესაც უნამუსოდ იბრძვის იმისათვის, რომ კვლავ გახდეს ამ საბჭოს წევრი და რომელსაც ეტყობა ჰყავს თვისი მხარდამჭერები. ის იყო ერთერთი პირველი ხელმომწერი იმ განაჩენის, რომელიც მაშინ გამოიტანა იმ ხელისუფლებამ.

თუ ეს მოხდება, გამოდის, რომ ირინა ენუქიძის ბრძოლას აზრი არ ჰქონია და არც ამ ორდენს ექნება ძალა. მე იმედი მაქვს და მჯერა, რომ საზოგადოება, ხელისუფლება და არასამთავრობოები ყველაფერს გააკეთებენ იმისათვის, რომ ეს პიროვნება არ იქნება არჩეული სააპელაციო სასამართლოს მოსამართლედ“, - განაცხადა გურამ გირგვლიანმა.