ქმარ-შვილის მკვლელობაში ბრალდებულ 25 წლის მაგდა პაპიძეს ე.წ. მოდულის შენობაში ბრალს ოფიციალურად წარუდგენენ. აღკვეთ ღონისძიებასთან დაკავშირებით სასამართლო ხვალ იმსჯელებს.

ამ დრომდე ბრალდებულთან ადვოკატი იმყოფება. პარალელურად ვრცელდება ინფორმაცია იმის შესახებ, რომ მეუღლის და შვილის მკვლელობისთვის დაკავებულმა ჩვენება შეცვალა - ახალგაზრდა ქალბატონი დანაშაულს არ აღიარებს.

შეგახსენებთ, დიღმის მასივის მიმდებარე ტერიტორიაზე 27 წლის მამაკაცი და მისი 5 წლის შვილი მოკლული იპოვეს. ცხედრები სადარბაზოს შესასვლელთან იპოვეს. მამაკაცის დაღუპვის მიზეზი თავში მძიმე საგნის ჩარტყმა გახდა, ხოლო ბავშვი - გაგუდულია. ფაქტზე გამოძიება ამ დროისთვის 109-ე მუხლით მიმდნარეობს, რაც დამამძიმებელ გარემოებებში განზრახ მკვლელობას გულისხმობს.