არადეკლარირებული ოქროს ნაკეთობები აღმოაჩინეს 17 დეკემბერს, საბაჟო გამშვები პუნქტის, „სარფის“, კონტროლის ზონაში შემოსავლების სამსახურის თანამშრომლებმა. კერძოდ, თურქეთის მხრიდან შემოსულ ავტომანქანაში, რომელსაც მართავდა საქართველოს მოქალაქე გ.დ., ეჭვის საფუძველზე დათვალიერების შედეგად, სამგზავრო ჩანთის სარჩულში აღმოჩენილ იქნა 20 ცალი ოქროს მედალი და სხვა ნივთები. ოქროს არადეკლარირებული ნაკეთობების საერთო წონამ 163,42 გრ., ხოლო საბაჟო ღირებულებამ 8016,33 ლარი შეადგინა.

საგადასახადო კოდექსის 289-ე მუხლის მე-10 ნაწილის შესაბამისად, პირს სანქციის სახით შეეფარდა ფულადი ჯარიმა 8016,33 ლარის ოდენობით.