ე.წ. "კოკაინის საქმის" ერთ-ერთი ფიგურანტმა ნუგზარ ბოჭორიშვილმა პირველ კომენტარი გააკეთა და სკანდალური საქმის დეტალებზე ტელეკომპანია "იბერიის" ეთერში ისაუბრა . გადაცემა "პრიორიტეტების" პირდაპირ ეთერში ჩართვისას ბოჭორიშვილმა სრულად უარყო მის მიმართ გამოთქმული ბრალდებები და ასევე გავრცელებული ინფორმაცია იმის შესახებ, რომ პოლიტპატიმართა სიაში შეყვანისთვის მან დეპუტატ მანანა კობახიძეს და პარლამენტის ადამიანის უფლებათა დაცვის კომიტეტის თავმჯდომარეს ეკა ბესელიას 200 ათასი დოლარი გადასცა. ნუგზარ ბოჭორიშვილი გაზეთ "ქრონიკა+"-ის რედაქტორს ელისო კილაძეს პასუხობს და მისგან ფაქტის დამადასტურებელი მტკიცებულებების წარდგენას მოითხოვს. თუმცა აქვე აღნიშნავს , რომ მისი ადვოკატი ლალი აფციაური აქტიურად მუშაობდა რათა მას და მისი ოჯახის წევრებს , რომლებიც აგრეთვე საქართველოში კოკაინის დიდი რაოდენობით შემოტანისთვის იხდიან სასჯელს პოლიტპატიმრის სტატუსი მიეღოთ. "თავისდროზე მითხრეს, რომ მეორე ნაკადში მოვხვდებოდით,"-განაცხადა ბოჭორიშვილმა.

ის საკუთარ თავს პოლიტპატიმარს უწოდებს და აცხადებს, რომ სააკაშვილის ხელისუფლებამ მისი დევნა დაიწყო, რაც შემდგომ მისი ოჯახის წევრების დაპატიმრებით დასრულდა, თავად კი ამ დროისთვის საბერძნეთში იმყოფება. ბოჭორიშვილი სააკაშვილის ხელისუფლების მაღალჩინოსნებს ასახელებს, მათ შორის სოსო თოფურიძეს, რომელიც როგორც ბოჭორიშვილი ამბობს , თავისუფლების სანაცვლოდ მისგან 10 მილიონ ევროს ითხოვდა.