„კოკაინის საქმეზე“ დაკავებული ანასტასია ზაუტაშვილი პირველ კომენტარს აკეთებს და აცხადებს, რომ მას გათავისუფლების სანაცვლოდ თანხა არავისთვის არ გადაუხდია.

მისი თქმით, ის გათავისუფლებას ითხოვდა და არა მის პოლიტპატიმართა სიაში შეყვანას.

„ეს არის ჭორი და ტყუილი. ჩემი აზრით, ვინც გადაიხადეს, ისინი ალბათ გაუშვეს და მე ჯერ ციხეში ვზივარ. ალბათ იცის ელისაშვილმა. რაიმე ფული რომ ჰქონოდა ბოჭორიშვილს დამტოვებდა ამდენი ხანი ციხეში? რატომ ატრიალებენ ამ ანასტასია ზაუტაშვილს ასე უნამუსოდ. დაკავების პირველი დღიდან მეუბნებიან, დაადე ხელი ბოჭორიშვილსო. სხვას არ მთხოვდა არავინ არაფერს", - აცხადებს ზაუტაშვილი ტელეკომპანია "იმედთან" საუბრისას.