ე.წ. შეწყალების საქმეზე ეკა გიგაური დაიკითხა

სამართალი - 11:40, 15 Dec, 2015

1552

ე.წ. შეწყალების საქმეზე პროკურატურაში "საერთაშორისო გამჭვირვალობა - საქართველოს" აღმასრულებელი დირექტორი ეკა გიგაურიც დაიკითხა.

როგორც ირკვევა გიგაური საგამოძიებო უწყებამ მოწმის სახით დაკითხა.
"საერთაშორისო გამჭვირვალობა საქართველოში" აღნიშნეს, რომ ეკა გიგაური დაკითხვის დეტალებზე გამოძიების ინტერესებიდან გამომდინარე ვერ გაასაჯაროვებს.
შეგახსენებთ, რომ შეწყალების კომისიის ყოფილი ხელმძღვანელის სკანდალური განცხადების შემდეგ, რომლის მიხედვითაც, მასზე კონკრეტული პატიმრის შეწყალების მიზნით მაღალჩინოსნების მხრიდან ზეწოლა ხორციელდებოდა, პროკურატურამ გამოძიება 339–ე პრიმა მუხლის მეორე ნაწილით დაიწყო. რაც "ზეგავლენით ვაჭრობას” გულისხმობს.
ალეკო ელისაშვილი პროკურატურაში გუშინაც იმყოფებოდა. მან გამოძიებას საკუთარი ტელეფონი წარუდგინა, სადაც კონკრეტული მაღალჩინოსნების მიერ კონკრეტული პირების შეწყალების მოთხოვნით შეტყობინებებია შენახული.
როგორც გუშინ ჟურნალისტებს მთავარმა პროკურორმა ირაკლი შოთაძემ განუცხადა, ე.წ. შეწყალების საქმეზე უკვე 20-მდე პირია დაკითხული. მათ შორის "ქართული ოცნების" ლიდერები : მანანა კობახიძე და ეკა ბესელია.
არსებული ინფორმაციით, საგამოძიებო ორგანოს ჩვენება შეწყალების კომისიის ყოფილი და მოქმედი თავმჯდომარეების – ალეკო ელისაშვილისა და ზვიად ქორიძის გარდა, ადვოკატმა ნიკოლოზ მჟავანაძემ, პრეზიდენტის ადმინისტრაციის ყოფილმა უფროსმა ლაშა აბაშიძემ მისცეს.