საქართველოს ფინანსთა სამინისტროს საგამოძიებო სამსახურმა, თაღლითობის ფაქტზე საქართველოს მოქალაქე თეიმურაზ ჯანიაშვილი სისხლის სამართლის პასუხისგებაში მისცა.

გამოძიებამ დაადგინა, რომ ბრალდებული ერთ-ერთ მოქალაქეს მოტყუებით დაპირდა, რომ დაასაქმებდა ფინანსთა სამინისტროს საგამოძიებო სამსახურში, რის სანაცვლოდაც დაზარალებულს გამოართვა 5 000 აშშ დოლარი.

გამოძიება მიმდინარეობს მოტყუებით სხვისი თანხის მართლსაწინააღმდეგოდ დაუფლების ფაქტზე, რაც ითვალისწინებს თავისუფლების აღკვეთას 6-დან 9 წლამდე ვადით.

აქვე საზოგადოებას ვთხოვთ, მსგავსი ფაქტების შემთხვევაში დაუყოვნებლი აცნობონ საგამოძიებო სამსახურის გენერალურ ინსპექციას.