შეწყალების კომისიის ყოფილი თავმჯდომარე ალეკო ელისაშვილი პროკურატურაში იმყოფება. საკრებულოს დამოუკიდებელი დეპუტატი ალეკო ელისაშვილი გამომძიებლებს სატელეფონო შეტყობინებებს გადასცემს, რომელსაც მას მაღალჩინოსნები შეწყალების მოთხოვნით უგზავნიდნენ.

„დღეს გამომძიებლებთან მოვიტანე ტელეფონი, სადაც ისტერიულ მესიჯებს მწერდნენ ხოლმე. დამირეკეს, დაზუსტებითი კითხვები გვინდაო, რაც ძალიან კარგია“, - აღნიშნა ელისაშვილმა.

დღეს გავრცელდა ინფორმაცია, რომ ალეკო ელისაშვილის ბრალდებები "კოკაინის საქმეს" უკავშირდება.

შსს-ს ოფიციალური ინფორმაცი­ით,2010 წლის 2 ივნისს ქუთაისსა და თბილისში შინაგან საქმეთა სამინისტრომ დააკავა საერთაშორისო ნარკოკარტელის 5 წევრი: ანასტასია ზაუტაშვილი, მევლუდ სვანიძე, რომან მუსემიანი, გიორგი ჩეჩელაშვილი და თენგიზ გურჩიანი. საბერძნეთის მოქალაქე და ესპანეთში მცხოვრები ნუგზარ ბოჭორიშვილი ამ ჯგუფს რეგულარულად უგზავნიდა ჯართს პანამიდან, პერუდან და კოლუმბიიდან. მანანა კობახიძემ დაადასტურა, რომ ე.წ. კოკაინის საქმეზე დაკავებულების შეწყალებას ითხოვდა.