მთავარ პროკურატურაში შეწყალების კომისიის თავმჯდომარეს ზვიად ქორიძეს კითხავენ. იგი საგამოძიებო უწყებაში რამდენიმე წუთის წინ მივიდა. ქორიძე საგამოძიებო უწყებას პატიმრების შეწყალების საქმეზე სრულყოფილ ინფორმაციას მიაწვდის. პროკურატურაში შესვლამდე ქორიძეს კომენტარი არ გაუკეთებია.

შეგახსენებთ, პროკურატურამ აღნიშნულ საქმეზე შეწყალების კომისიის ყოფილი თავმჯდომარე ალეკო ელისაშვილიც დაკითხა. საგამოძიებო უწყებამ ელისაშვილის განცხადების საფუძველზე გამოძიება ზეგავლენით ვაჭრობის მუხლით დაიწყო.