რ2-ის ადვოკატებს ურთმელიძის გადაწყვეტილების დასაბუთებული ვარიანტი ჩაბარდათ

სამართალი - 15:25, 03 Dec, 2015

1212

„რუსთავი 2“-ის და კომპანიის მფლობელების იურისტებს მოსამართლე თამაზ ურთმელიძის 3 ნოემბრის გადაწყვეტილების დასაბუთებული ვარიანტი ჩაბარდა 34 გვერდიან დოკუმენტში გაწერილია ყველა ის არგუმენტი, რომლის საფუძველზეც მოსამართლემ კომპანიის 100%-იანი წილი ქიბარ ხალვაშს მიაკუთვნა.

იმ არგუმენტებზე, რითიც ურთმელიძე თავის გადაწყვეტილებას ასაბუთებს კომენტარი „რუსთავი2“-ის ადვოკატმა თამთა მურადაშვილმა გააკეთა :

„ჩათვალა, რომ წილის ნასყიდობის ხელშეკრულებებში დაფიქსირებული თანხა და ექსპერტის დასკვნაში დაფიქსირებული იყო შეუსაბამო და დაადგინა, რომ ეს თანხა იყო არარეალური და მოპასუხეები უსამართლოდ გამდიდრდნენ და ქიბარ ხალვაშს მიადგა ზიანი. მოსამართლემ არ ჩათვალა ამჟამინდელი მფლობელები კეთილსინდისიერად და მათზე მისი აზრიო არ უნდა გავრცელდეს საჯარო რესტრის მონაცემების უტყუარობისა და სისრული პრეზუმფცია. მან მიიჩნია რომ წილი არის მოძრავი ქონება და მასზე გაავრცელა სამოქალაქო კოდექსის შესაბამისი მუხლები.“- განაცხადა მურადაშვილმა.

იურისტების თქმით ურთმელიძის გადაწყვეტილების დასაბუთებულ ვარიანტში იგრძნობა ქიბარ ხალვაშის გერმანელი ადვოკატის გავლენა, რადგან მოყვანილია გერმანული სასამართლოს პრეცენდენტები. ადვოკატები მოსამართლის გადაწყვეტილების სრულად გაცნობის შემდეგ შესაბამისი საპასუხო დოკუმენტის გამოქვეყნებას აპირებენ.