ლაშა მახარაძის მკვლელობაში ბრალდებული გიორგი ოქროპირიძე სახალხო დამცველის და აჭარის უმაღლესი საბჭოს დეპუტატის მედეა ვასაძის დაკითხვას მოითხოვს.

განცხადება აღნიშნულთან დაკავშირებით „ოქრიკამ“ დღევანდელ პროცესზე გააკეთა. ბრალდებული ომბუდსმენის დაკითხვის მოტივად იმ ფაქტს ასახელებს, რომ უჩა ნანუაშვილმა მის საქმეზე რამდენიმე დასკვნა მოამზადა.

ოქროპირიძემ დღევანდელ პროცესზე მოწმეების სიცრუის დეტექტორით დაკითხვა მოითხოვა.

მახარაძის მკვლელობაში ბრალდებულის პროცესი საქალაქო სასამართლოში ამ წუთებში მიმდინარეობს. სხდომაზე დაცვის მხარის მტკიცებულებების წარდგენა მოხდა. საქმეს ნაფიცი მსაჯულების ახალი შემადგენლობა განიხილავს.