მთავარი პროკურორი ირაკლი შოთაძე მისი მოადგილის მამუკა ვასაძის მიმართ გაჟღერებულ ბრალდებებს უარყოფს.

მისი თქმით, ვასაძე პრიოფესიონალიზმის გამო იქნა შერჩეული.

„მამუკა ვასაძეზე არჩევანის შეჩერების ერთადერთი მთავარი მიზეზი და საფუძველი იყო მისი პროფესიონალიზმი. რაც შეეხება კითხვის ნიშნებს, არსებობს ეფექტური საშუალებები, ეფექტური დანაყოფები და ნებისმიერ მოქალაქეს შეუძლია ამ დანაყოფებს მიმართონ და აუცილებლად რეაგირება ქნება ადეკვატური და ობიექტური. თუმცა მე ამ კითხვის ნიშნებთან დაკავშირებით, არ ვფლობ ინფორმაციას. ყველა მსგავს საჩივარზე რეაგირება მოხდენილია, მათ შორის გია სოსანაშვილის აბსურდულ ბრალდებებზე“, - აღნიშნა შოთაძემ.

ბრალდებებს უსაფუძვლოს უწოდებს ასევე მამუკა ვასაძე.

„სოსანაშვილის ბრალდებაზე პასუხის გაცემა არასერიოზულია, რა ზეწოლაზეა საერთოდ ლაპარაკი. რაც შეეხება ხობის ბაზრობას, ეს საქმე საერთოდ გამოსაძიებლად იმ დანაყოფს არ ჰქონდა, რომელშიც მაშინ მე ვმუშაობდი,“ - განაცხადა მამუკა ვასაძემ.

შეგახსენებთ, მამუკა ვასაძეს იური ვაზაგაშვილის საქმეზე დაკავებული გია სოსანაშვილი ზეწოლაში ადანაშაულებდა. რაც შეეხება ხობის ბაზრობას, მისი ხელმძღვანელობა ვასაძეს ქონების ჩამორთმევას ედავება.