პროკურატურაში ახალი საბჭო იქმნება, რომელიც პროკურორების და გამომძიებლების მუშაობას შეაფასებს.

ამის შესახებ მთავარმა პროკურორმა ირაკლი შოთაძემ მისი უწყების სხვადასხვა რგოლების ხელმძღვანელებთან შეხვედრის დროს განაცხადა.

მისი თქმით, საბჭო პროკურორების გადაცდომების და დაწინაურების საკითხებზეც იმსჯელებს.

„გადაცდომების შემთხვევაში განიხილება პროკურორების დასჯის საკითხი. თუმცა ეს საკიტხი არა პიროვნულად, არამედ კოლეგიურად საბჭოს ფარგლებში განიხილება. პროკურორებისა და გამომძიებლების შეფასება მოხდება ერთიან ელექტრონულ სისტემაში ანუ იარსებებს პროგრამა, სადაც მუშაობა კრიტერიუმების საფუძველზე შეფასდება. თუმცა მხოლოდ ამ სისტემით არ მოხდება გარკვეული მუშაობის შეფასება და ყველაფერი გაკეთდება იმისათვის, რომ პროკურორებისა და გამომძიებლების მუშაობა ობიექტურად შეფასდეს“, - აღნიშნა შოთაძემ.

საქართველოს მთავარი პროკურორი პროკურატურის სხვადასხვა რგოლების ხელმძღვანელებს სამუშაო გეგმას აცნობს.