რუსთავი 2-ის ადვოკატი ყადაღის გაუქმებასთან დაკავშირებით

სამართალი - 15:32, 30 Nov, 2015

1974

რუსთავი 2-ის ადვოკატი თამთა მურადაშვილი სააპელაციო სასამართლო კოლეგიის მიერ ყადაღის გაუქმებასთან დაკავშირებით მიღბულ გადაწყვეტილებას ეხმაურება.

ადვოკატის განცხადებით, დადასტურდა რომ მოსამართლე ურთმელიძის მიერ მიღებული ყადაღა არათანაზომადი იყო.

"ამ განჩინებით დადასტურდა ის, რომ მოსამართლე ურთმელიძის მიერ მიღებული ყადაღა იყო არათანაზომადი, აღნიშნული ყადაღა არა მარტო ემსახურებოდა მოსარჩელის ინტერესებს, ქიბარ ხალვაშის ინტერესებს, არამედ უფრო მეტი შეზღუდვები იყო დაწესებული, ვიდრე საჭიროებდა მოსარჩელის ინტერესების დასაცავად. დღეს ჩაბარებული განჩინების საფუძველზე დადასტურდა ის, რომ მედიასაშუალებას არ უნდა აეკრძალოს იმ ფუნქციების განხორციელება, რომელიც სასიცოცხლოა მისი ფუნქციონირებისათვის. დღევანდელი განჩინების საფუძველზე ის შეზღუდვები, რომელიც ეხებოდა სტუდიის ფუნქციონირებისათვის საჭირო მოწყობილობების გაქირავებას, ავტომობილების გაქირავებას, აღნიშნული შეზღუდვა მოიხსნა, ასევე მოიხსნა ჩვენი პარტნიორებისთვის დაკისრებული აკრძაკვა იმის თაობაზე, რომ დაემტკიცებინათ წლიური შედეგები საწარმოში. 5 ნოემბრის განჩინება, მიღებული მოსამართლე ურთმელიძის მიერ გაუქმდა, რაც ნიშნავს, რომ რუსთავი 2-ს დროებით მმართველები აღარ ეყოლება. სავარაუდოდ ეს გულისხმობს იმას, რომ საკონსტიტუციო სასამართლოს მიერ მიღებული საოქმო განჩინება, რომელიც ჩვენ დავურთეთ ჩვენს საჩივარს და მივმართეთ მოსამართლე ურთმელიძის მიმართ, სწორედ ეს იყო განმაპირობებელი ამ განჩინების გაუქმების, რომელიც შემდეგ როგორც იცით, თვითონ უურთმელიძემ არ დააკმაყოფილა, მაგრამ გადმოუგზავნა სააპელაციო სასამართლოს",-განაცხადა რუსთავი 2-ის ადვოკატმა თამთა მურადაშვილმა.

სააპელაციო სასამართლომ, მოსამართლე თამაზ ურთმელიძის 5 ნოემბრის განჩინება, რომელიც რუსთავი 2-ში დროებითი მმართველების დანიშვნას ეხებოდა, სრულიად გააუქმა. ასევე არ დაკმაყოფილდა დავით დვალის მოთხოვნა დროებითი მმართველების სიიდან ამორიცხვის შესახებ.

სააპელაციო სასამართლო კოლეგიამ ნაწილობრივ დააკმაყოფილა რუსთავი 2-ის იურისტების მოთხოვნა ყადაღის გაუქმებასთან დაკავშირებით.