შეზღუდული შესაძლობლობის მქონე 4 წლის ბავშვის დედა თამარ იარაჯული მისი შვილის ცემის ფაქტზე გამოძიების დაწყებას ითხოვს. ამ მოთხოვნით მან 29 ნოემბრის ღამე პროკურატურის შენობასთან გაატარა.

აღნიშნული ფაქტი დაახლოებით ერთი წლის წინ მოხდა. იარაჯული ამტკიცებს, რომ მისი შვილი აღმზრდელმა სცემა, თუმცა ამ დრომდე გამოძიება ჯერ არ დაწყებულა.

იარაჯულის ინტერესებს ახალგაზრდა იურისტთა ასოციაცია იცავს. მათი განცხადებით, საქმეზე მტკიცებულებების გამოკვლევა თავის დროზე არ მოხდა, რის შესახებაც მათ პროკურატურას კითხვებით მიმართეს და მათზე პასუხს ელოდებიან.