დაბა ნასაკირალში ისლამური სახელმწიფოს ტერორისტებთან კავშირის ბრალდებით ერთი პირი დააკავეს.

ზეინალ აბდულაევის ოჯახში სპეცსამსახურების წარმომადგენლები დღეს დილით იმყოფებოდნენ და იარაღის შეძენა-შენახვის ბრალდებით მისი ვაჟი დააკავეს.

სახლიდან ამოღებულია ხელყუმბარები, ავტომატური ცეცხლსასროლი იარაღი და ისლამური სახელმწიფოს დროშა.

აბდულაევები ამბობენ, რომ მათ იარაღი ჩაუდვეს და არანაირი კავშირი მის შვილს არ შეიძლებოდა ჰქონოდა ტერორისტებთან:

"ჩაგვიდეს იარაღი, თან ეს დროშა, აბსურდია ეს ყველაფერი. არავითარი კავშირი არ შეიძლებოდა ჩემს შვილს მაგათთან ჰქონოდა. უბრალოდ უპატრონო ხალხი ვართ და გვჩაგრავენ"-ამბობს ზეინალ აბდულაევი.

აბდულაევებს ორი შვილი ჰყავდათ, ერთი, გასულ წელს სოფელ ოზურგეთში მომხდარი ავტოავარიის დროს დაიღუპა.

წყარო: "გურიის მოამბე"