ტერორისტულ ორგანიზაციასთან ბრალდებით დაკავებული დავით ბორჩაშვილის ადვოკატები საქალაქო სასამართლოს გადაწყვეტილებას სააპელაციო სასამართლოში გაასაჩივრებენ. როგორც ადვოკატები ამბობენ, პროკურატურის ბრალდება უსაფუძლოა და საგამოძიებო უწყებას მტკიცებულებები არ გააჩნია. დაცვის მხარე ასევე უსაფუძვლოს უწოდებს არგუმენტს წინასწარი პატიმრობის მოთხოვნასთან დაკავშირებით. როგორც ადვოკატი გია ტაბლიაშვილი ამბობს, დავით ბორჩაშვილის მიმალვის საფრთხე არ არსებობს.

ორი დღის წინ საქალაქო სასამართლომ დავით ბორჩაშვილს წინასწარი პარიმრობა შეუფარდა. ამ დროისთვის ბორჩაშვილი საავადმყოფოში მკურნალობას გადის. შესაძლოა მას რამდენიმე თვის წინ მიყენებული ჭრილობის გამო ოპერაციის ჩატარებაც დასჭირდეს.

სახელმწიფო უსაფრთხოების სამსახურის კონტრტერორისტული ცენტრის თანამშრომლებმა ბორჩაშვილი საქართველოს სსკ-ის 328 ე მუხლით გათვალისწინებული დანაშაულისთვის დააკავეს, რაც უცხო ქვეყნის ტერორისტულ ორგანიზაციაში ან უცხოეთის კონტროლისადმი დაქვემდებარებულ ტერორისტულ ორგანიზაციაში გაერთიანებას ან ტერორისტულ საქმიანობაში მის დახმარებას გულისხმობს. დავით ბორჩაშვილს 10-დან 18 წლამდე პატიმრობა ემუქრება.