გორის მუნიციპალიტეტის სოფელ აძვიდან, გიორგობა დღეს გატაცებული მამაკაცები ოკუპანტებმა დღეს გაათავისუფლეს. მათ ცხინვალის მილიციის წინასწარი დაკავების იზოლატორს თავი ჯარიმის გადახდის სანაცვლოდ დააღწიეს.

დავით გულიტაშვილი, ზურაბ კორინთელი და გიორგი გოგიაშვილი ოჯახებთან ერთად 23 ნოემბერს ტაძრის მოსალოცად მიდიოდნენ, რა დროსაც შეიარაღებული ფორმიანები თავს დაესხნენ და დააკავეს. ოკუპანტებმა ქალები და ბავშვები გამოუშვეს, ხოლო კაცები ცხინვალის მიმართულებით წაიყვანეს.