ქუთაისში დაკავებული შოთა ქემოკლიძე შიმშილობას აცხადებს. როგორც ცნობილია, ქემოკლიძეს სხეულზე დაზიანებები აღენიშნება. დაკავებულის ახლობლები ამბობენ, რომ ქემოკლიძეზე ფიზიკური ზეწოლა პოლიციამ განახორციელა. შსს-ს ინფორმაციით, დაკავებულმა დაზიანებები თავად მიიყენა. დაკავებული მკურნალობაზე უარს აცხადებს.

ქუთაისის საქალაქო სასამართლომ ქემოკლიძის აღკვეთის ღონისძიების შეფარდების საკითხზე დღეს უნდა იმსჯელოს.

შეგახსენებთ, შინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის თანამშრომლებმა, სასამარლოს განჩინების საფუძველზე ცივი იარაღის ტარების ფაქტზე შოთა ქემოკლიძე გუშინ დააკავეს.