თბილისის პოლიციის ვაკე-საბურთალოს სამმართველოს უფროსმა თანამდებობა დატოვა. ინფორმაცია „ნიუპოსტს“ შინაგან საქმეთა სამინისტროს პრესსამსახურში განუცხადეს.

უწყების ინფორმაციით, სამმართველოს უფროსი კადრების განყოფილებაშია გადაყვანილი, მანამ სანამ გამოძიების დასრულებამდე ობიექტური ჭეშმარიტება არ დადგინდება.

შეგახსენებთ, ადვოკატი გიორგი მდინარაძე სამმართველოს თანამშრომლებს და პოლიციის უფროსს ცემაში ადანაშაულებს. მისი ინფორმაციით, სამართალდამცველების გაღიზიანება იმ ფაქტმა გამოიწვია, რომ მან მისი დაცვის ქვეშ მყოფს დუმილის უფლების გამოყენება ურჩია. მომხდართან დაკავშირებით გამოძიება პროკურატურამ უკვე დაიწყო სისხლის სამართლის კოდექსის 333-ე მუხლის მესამე ნაწილით.