„რუსთავი 2“-ის მფლობელების, ძმები ყარამანაშვილების ადვოკატები სასამართლო განჩინებას თამაზ ურთმელიძის ბოლო გადაწყვეტილებასთან დაკავშირებით უახლოეს დღეებში გაასაჩივრებენ. ამის უფლება ტელეკომპანიის დაცვის მხარეს აღარ აქვს, რადგან მათ 5 ნოემბრის განჩნების შედეგად უფლებამოსილება შეუწყდათ.

„რუსთავი 2“-ის პარტნიორ იურისტებს განჩინება, რომლის მიხედვითაც არხის გენერლური და ფინანსური დირექტორები დროებითმა მმართველებმა ჩაანაცვლეს გუშინ ჩაბარდა.

„აღნიშნული განჩინების გასაჩივრება ჩვენ, „რუსთავი 2“-ის ყოფილ წარმომადგენლებს არ შეგვიძლია, თუმცა ეს განჩინება ჩაბარდა აგრეთვე ტელეკომპანიის დღევანდელ პარტნიორს და მის წარმომადგენლებს ექნებათ უფლება გაასაჩივრონ აღნიშნული განჩინება ჩაბარებიდან 5 დღის ვადაში. ამის შემდეგ ისევ თამაზ ურთმელიძე განიხლავს ამ საჩივარს. გადაწყვეტილება მან 20 დღის ვადაში უნდა მიიღოს. თუ არ დაკმაყოფილდება საჩივარი მაშინ პროცესი სააპელაციო სასამართლოში გადაინაცვლებს“, - ამბობს ტელეკმპანიის ადვოკატი დიმიტრი საძაგლიშვილი.