გამოძიება არ იწყება, სანამ არ დგინდება ჩანაწერების ავთენტურობა და გავრცელების მიზნები

გამოძიება არ იწყება, სანამ არ დგინდება ჩანაწერების ავთენტურობა და გავრცელების მიზნები - ზაზა ჭაია

სამართალი - 16:37, 04 Nov, 2015

1521

,,სამართალდამცავთა დაცვის ლიგის“ წევრი ზაზა ჭაია სატელეფონო ჩანაწერების გავრცელების ფაქტს და აღნიშნულთან დაკავშირებით გამოძიების დაწყების საკითხს ეხმაურება.

ჭაია სოციალურ ქსელში წერს, რომ მანამ სანამ სახელმწიფოს სპეციალური სამსახური გამოძიებას დაიწყებდა უნდა დადგენილიყო ჩანაწერების ავთენტურობა, რომელსაც დაახლოებით 3-4 დღეს დასჭირდებოდა.

„საქართველოს და რუსეთის სპეციალური სამსახურების ინტერესების თანხვედრა!

1. სატელეფონო ფარული ჩანაწერები კეთდება მხოლოდ სახელმწიფოს სპეციალური სამსახურების მიერ.

2. სატელეფონო ფარული ჩანაწერების გაკეთება კერძო პირის მიერ გამორიცხულია, ამ ინტენსივობით და ამ სპეციფიკით.

3. სატელეფო ფარული ჩანაწერების გაკეთება, შეზღუდული სახით, კერძო პირის მიერ, უმალვე დგინდება სპეცსამსახურების ტექნიკური აღჭურვილობით.

4.სატელეფონო ფარული ჩანაწერები და მისი კრებსი, რომლებიც მოპოვებულია შსს–ს მიერ სასამართლო ბრძანებით, იდება სს. საქმეში და თუ არა შსს–ს მიერ მისი ოფიციალური გავრცელება, ის არ ხდება საზოგადოებისთვის საჯარო.

5.სატელეფონო ფარული ჩანაწერების არაკანონიერი დუბლირება, კოპირება და გავრცელება, ბუნებრივია დასაშვებია შსს–ს მიერაც, თუმცა ამ შემთხვევაში უმალვე დგინდება ქმედების განმახორციელებელ პირთა წრე.

6.სატელეფო ფარულ ჩანაწრებს შსს იყენებს მხოლოდ იმ შემთხვევაში, როცა მიყურადებაზე გაცემულია სასამართლოს ნებართვა და როცა ის მტკიცებულებად გამოდგება სს. საქმეში, სხვა შემთხვევაში ფარული ჩანაწერი პოლიციისთვის უსარგებლოა.

7. ფარული სატელეფონო ჩანაწრების გავრცელება, რომლის წარმოშობა და ავთენტურობა ბუნდოვანია, ყოველთვის კეთდება სპეციალური სამსახურების მიერ, შემდეგი მიზნის მისაღწევად: საზოგადოებრივი აზრის შექმნა, პირის ან პირთა ჯგუფის კომპრომეტაცია.

8. სპეცსამსახურების მიერ გავრცელებული ფარული სატელეფონო ჩანაწერების წარმოშობის გარკვევა, მიღებული პრაქტიკით დგინდება ტექნიკური აღჭურვილობით, მიღებული ოპერატიული ინფორმაციით და გათვლით, თუ ვის ან რა მიზანს ემსახურება ის.

9. არც ართი სახელმწიფოს სპეციალური სამსახური, თუ სიღრმისეულად არ ადგენს ფარული სატელეფონო ჩანაწერების წარმოშობას, ავთენტურობას და გავრცელების მიზნებს, არ იწყებს ღია გამოძიებას, რომ არ დააზიანოს სახელმწიფოს უსაფრთხოების ინტერესები!".- განმარტავს ჭაია