სასწრაფოდ: მოსამართლე ურთმელიძემ რუსთავი 2-თან დაკავშირებით გადაწყვეტილება გამოიტანა

სამართალი - 17:37, 03 Nov, 2015

9626

მოსამართლე თამაზ ურთმელიძემ „რუსთავი 2“-ის წილების დაბრუნებასთან დაკავშირებით ქიბარ ხალვაშის სარჩელი ნაწილობრივ დააკმაყოფილა. გადაწყვეტილება რამდენიმე წუთის წინ გამოცხადდა.
მოსამართლის გადაწყვეტილებით ხალვაშის სარჩელი საკუთრების უფლების აღდგენასთან დაკავშირებით დაკმაყოფილებულია. თბილისის საქალაქო სასამართლოს გადაწყვეტილებით, ქიბარ ხილვაშის სარჩელის ერთ-ერთი მოთხოვნა, ტელეკომპანიის წილების დაბრუნების თაობაზე სრულად დაკმაყოფილდა. მოსამართლე ურთმელიძემ, ხალვაშას 60 პროცენტი, კომპანია "პანორმას", რომელიც ასევე ბიზნესმენს ეკუთვნის კი 40 პროცენტი მიაკუთვნა.

ამასთანავე ურთმელიძის გადაწყვეტილებით ქიბარ ხალვაშის საავტორო უფლებებთან დაკავშირებით სარჩელის დაკმაყოფილებაზე უარი ეთქვა.

პროტესტის ნიშნად "რუსთავი 2"-ის წარმომადგენლებმა სასამართლო დარბაზი დატოვეს.

ბიზნესმენმა ქიბარ ხალვაშმა რუსთავი 2-ის წილის დასაბრუნებლად სასამართლოში სარჩელი 5 აგვისტოს შეიტანა, სარჩელის უზრუნველყოფის მიზნით კი, "რუსთავი 2"-ის პარტნიორთა წილების დაყადაღება მოითხოვა. სარჩელის საფუძველზე აღსრულების ეროვნულმა ბიურომ ტელეკომპანიის ქონებას ყადაღა დაადო.