ადვოკატი ზაზა ბიბილაშვილი მოსამართლის მოულოდნელ გადაწყვეტილებას სხდომის დასრულებიდან ორ საათნახევარში გადაწყვეტილების გამოცხადებასთან დაკავშირებით ხელისუფლებას უკავშირებს.

„თამაზ ურთმელიძემ რამდენიმე დღით ადრე განაცხადა, რომ მას შემდეგ რაც სასამართლო განხილვები დამთავრდებოდა, მას გადაწყვეტილების მისაღებად რამდენიმე დღე დაჭირდებოდა. როგორც ჩანს, განხილვა იმაზე მეტ ხანს გაგრძელდა, ვიდრე ხელისუფლება ელოდა. დღეს მოსამართლე ურთმელიძემ მისი განცხადებები გადათქვა და სხდომის დასრულებიდან 2 საათნახევარში აპირებს გადაწყვეტილების გამოცხადებას“,- განაცხადა ბიბილაშვილმა.

როგორც ადვოკატმა განაცხადა, თუ მოსამართლე ურთმელიძე ხალვაშის სასარგებლოდ მიიღებს გადაწყვეტილებას, ის ახალ სასამართლო პრაქტიკას დააამკვიდრებს.

„იმისთვის, რომ ხალვაშის მოთხოვნა დაკმაყოფილდეს, უნდა გაუქმდეს სამოქალაქო კოდექსი, საჯარო რეესტრი, დადგინდეს ახალი სასამართლო პრაქტიკა“, - განაცხადა ბიბილაშვილმა.