დაუყოვნებლივი აღსრულების საკითხი ჩვენ არასდროს არ დაგვიყენებია

დაუყოვნებლივი აღსრულების საკითხი ჩვენ არასდროს არ დაგვიყენებია - პაატა სალია

სამართალი - 16:40, 02 Nov, 2015

1072

საკონსტიტუციო სასამართლოს მიერ ტელეკომპანია „რუსთავი2“-ის სარჩელის წარმოებაში მიღებას ქიბარ ხალვაშის ადვოკატი პაატა სალია გამოეხმაურა. მისი თქმით, პირველი ინსტანციის სასამართლოს გადაწყვეტილების დაუყოვნებლივ აღსრულების საკითხი ხალვაშის დაცვის მხარეს არც ერთ ეტაპზე არ დაუყენებია.

„ჩვენ არასდროს არ დაგვიყენებია და არ გვითქვამს, რომ ვაპირებდით დაუყოვნებლივი აღსრულების გზით წასვლას. სხვათაშორის, ეს იდეა მოგვაწოდა თავად რუსთავი 2–ის წარმომადგენლებმა, როცა გახმაურდა, რომ თითქოს ვაპირებდით დაუყოვნებლი აღსრულებას, თითქოს ვიღაცა აპირებდა სპეცნაზით შესვლას რუსთავი 2–ის ტერიტორიაზე. ეს არის კიდევ ერთი აბსურდი, რასაც ამ პროცესზე ხშირად ვისმენ. ჩვენი ოპონენტები თავდაუზოგავად ცდილობენ სამართლებრივი საკითხის პოლიტიკურ სიბრტყეში გადატანას. ამის დასტურია ისიც, რომ მათ მიერ პერმანენტულ რეჟიმში დაყენებულ შუამდგომლებებს სათანადო მტკიცებულებები უბრალოდ არ გააჩნია. ისიც ფაქტია, რომ დაუყოვნებლივ აღსრულებაზე სწორედ რუსთავი 2–ის ადვოკატები საუბრობდნენ და მათვე შეიტანეს სარჩელი საკონსტიტუციოში“, – აღნიშნა პაატა სალიამ.