"ხელისუფლება აქტიურად გვისმენს"

"ხელისუფლება აქტიურად გვისმენს" - გიორგი მშვენიერაძე

სამართალი - 10:33, 31 Oct, 2015

4794

იურისტი გიორგი მშვენიერაძე ამბობს, რომ მოსმენები აქტიურად გრძელდება და „ხელისუფლება გვისმენს“.
ამის შესახებ მშვენიერაძე ბოლო დღეებში გავრცელებული ფარული აუდიოჩანაწერების კომენტირებისას ამბობს.
„ხელისუფლება არ ადასტურებს, რომ ფარული მიყურადება მის მიერ არის განხორციელებული. შესაბამისად ფუჭია მსჯელობა იმის შესახებ, ჰქონდა თუ არა მას სასამართლოს ბრძანება და სათანადო საფუძველი. (აქედან გამომდინარე ბრიყვულია მსჯელობა: მიშა რადგანაც ძებნილია (და ეს ცალკე განსახილველი თემაა), მისი მოსმენა შეუძლია ხელისუფალს). ფაქტია, რომ ფარული მიყურადება წარმოადგენს ადამიანის პირადი ცხოვრების უფლებაში ჩარევას, ხოლო კონკრეტული შემთხვევა - დანაშაულს, რომელიც გათვალისწინებულია სსკ -ის 158 მუხლის მე-3 ნაწილით და სასჯელად ითვალისწინებს 7 წლამდე თავისუფლების აღკვეთას. ამ დღეებში არ მომისმენია განცხადება ამ მუხლით გამოძიების დაწყების შესახებ. ეს სამართალი. ჩემი აზრით სინამდვილე ასეთა: ხელისუფლება გვისმენს აქტიურად. უსმენს არამხოლოდ ჩვეულებრივ სატელეფონო ქსელს, არამედ ვაიბერს და სხვა მესენჯერებს. აგროვებს მისთვის (არა სახელმწიფოსთვის, არამედ პოლიტიკური მმართველისთის) საჭირო ინფორმაციას და თუ დასჭირდება იყენებს მას ადამიანთა დასაშანტაჟებლად ან მტკიცებულებად. განსხვავებით შევარდნაძის დორინდელი პოლიციისაგან, ერთი ნაბიჯით წინ წავიდნენ და უკანონოდ მოპოვებული მასალის დაკანონების ახალ ფორმას მიაგნეს. თუ შევარდნაძის დროს მოსამართლე იძლეოდა ძველი რიცხვით ბრძანებას, ან გადაუდებელ მიყურადებაზე პროკურორი აკეთებდა იმავეს, დღეს ამ მასალას რომელიღაც საეჭვო რეპუტაციის უკრაინულ დომენზე (რუსულ სერვერზე) ატვირთავენ და მედიაში გავრცელებულს არქმევენ, ხოლო შემდეგ მტკიცებულებად იღებენ და მის საფუძველზე გამოძიების დაწყებას აფორმებენ. თუ გონიათ, რომ ახალი ჩხატარაშვილი იპოვეთ და სიბრძნეებს გარიგებთ, მაგრად ცდებით. P.S. რაც შეეხება უშუალოდ ჩანაწერის შინაარს, ამისთვის ადამიანებს ბრალს რომ ვერ წაუყენებენ ცხადია. ვის მოსწონს რაც მოისმინა და ვის არა, ეგ ცალკე საკითხია. გულუბრყვილო სახეებით გაოცებული, "დედაესრაულაპარაკნიათხალხი" ძალიან სასაცილოდ გამოიყურებით“,- აცხადებს იურისტი გიორგი მშვენიერაძე.