დღეს, 12:00 საათზე ე.წ. „კორტების სპეცოპერაციის“ საქმეზე, მოსამრთლე ბადრი კოჭლამაზაშვილი განაჩენს გამოაცხადებს. სასამართლომ აღნიშნულ საქმეს ოთხი თვე მოანდომა, გაიმართა 30-ზე მეტი სასამართლო სხდომა და დაიკითხა 60–მდე მოწმე.

განაჩენის გამოცხადებას ბრალდებულები გიორგი ცააძე და ლევან ბეროძე არ დაესწრებიან. ამის შესახებ ცააძემ და ბეროძემ წინა სასამართლო სხდომაზე განაცხადეს. მათი თქმით, ისინი განაჩენს ციხეში დაელოდებიან.

ე.წ. „კორტების სპეცოპერაციის“ საქმეზე ძალოვანი უწყების ყოფილ მაღალჩინოსნებს კახაბერ ნაკანს, ირაკლი ფირცხალავას, ლევან ბეროძეს, გიორგი ცააძესა და გრიგოლ კვინიკაძეს ბრალად განზრახ მკვლელობა, მტკიცებულებათა ფალსიფიკაცია და განზრახ უკანონოდ დაკავება ედებათ.