„რუსთავი 2“-ის ადვოკატი ზაზა ბიბილაშვილი საქმის მოსამართლეს მხოლოდ სახელით მოიხსენიებს.

ამის მიზეზი ადვოკატის თქმით, ურთმელიძის მიერ მიღებული გადაწყვეტილებები გახდა.

„მე მას მოსამართლედ აღარ მოვიხსენიებ, რადგან ის თავის მართლების რეჟიმშია გადასული ის ირწმუნება, რომ არც ერთ მხარეს არ უზღუდავს საპროცესი უფლებებს მან განაცხადა, რომ თურმე მხარეთა თანასწორობა არ დაურღვევია, თუმცა ამის საპირწონედ ჩვენ იქვე სასამართლო სხდომაზე მიუთითეთ მას რამოდენიმე ეპიზოდი, როდესაც მაგალითად 30 სექტემბერს ჩვენმა მოწინააღმდეგე მხარემ შეიტანა შუამდგომლობა ყადაღის თაობაზე. შუამდგომლობა შევიდა 3-ის ნახევარზე და ერთ საათში მოსამართლემ ეს შუამდგომლობა დააკმაყოფილა. მან ერთ საათში შეძლო ის, რომ კანცელარიიდან ეს შუამდგომლობა მისულიყო მასთან, 4 სხდომა ჩაეტარებინა, დაიწყო და დაასრულა ყადაღის განჩინების დაწერა“, - განაცხადა ბიბილაშვილი.

რაც შეეხება სხდომის გადადების საკითხს, „რუსთავი 2“-ის ადვოკატი აღნიშნავს, რომ ურთმელიძეს სხვა გამოსავალი აღარ ჰქონდა.

„მოსამართლემ, უკაცრავად ვერ გადავეჩვიე - ბატონმა ურთმელიძემ, ჩვენი მოთხოვნის შესახებ გაიგო სხდომათა დარბაზში. მიუხედავად იმისა, რომ კანცელარიაში მოთხოვნა ჯერ კიდევ რამდენიმე საათის წინ შევიტანეთ. ჩვენ მოვითხოვეთ გონივრული დრო იმისთვის, რომ შეგვესწავლა მოსარჩელე მხარის ერთადერთი მოწმის ჩვენება. ვინმე ექსპერტი, რომელიც დაეყრდნო ორ ფარატინა ფურცელს, ყალბ მტკიცებულებებს, მისი გამოსვლა ჩვენ უნდა შევისწავლოთ, რათა დავამტკიცოთ, რომ მოწმის ჩვენება ამორიცხულ იქნას მტკიცებულების ნუსხიდან“, - განაცხადა ბიბილაშვილმა.