„რუსთავი 2“-ის ადვოკატები დღევანდელ სხდომაზე პროცესის გადადების შუამდგომლობას დააყენებენ. დაცვის მხარის თქმით, ამის მიზეზი არის ის, რომ მოწმე შოთა ივანაშვილის დაკითხვის შემდეგ ბევრი კითხვა გაჩნდა, რაზეც პასუხის გაცემაა საჭირო. ადვოკატები გუშინდელი სხდომის ოქმის ამოღებას და მოწმის ჩვენების დეტალურად გაცნობას ითხოვენ.

„სანამ საპაექრო სიტყვაზე გადავალთ, ალბათ დავაყენებთ შეუამდგომლობას, პროცესის გადადების თაობაზე. თუ მოსამართლემ არ დაგვიკმაყოფილა ეს შუამდგომლობა, დისკის გადმოცემის და გონივრული ვადის მოცემის თაობზე, რომ ჩვენ მოვემზადოთ საპაექრო სიტყვისთვის, ალბათ კვლავ დავაყენებთ მოსამართლის აცილების შუამდგომლობას",-განაცხადა „რუსთავი 2’- ის ადვოკატმა თამთა მურადაშვილმა.

შეგახსენებთ, „რუსთავი 2“-ის საქმეზე პროცესი 11:00 საათზე განახლდა. სავარაუდოდ მოსამართლე ურთმელიძემ გადაწყვეტილება დღეს უნდა გამოაცხადოს.