ხალვაშის ადვოკატი ურთმელიძის მხრიდან სისხლის სამართლებრივი დანაშაულის ნიშნებს ვერ ხედავს

სამართალი - 19:33, 28 Oct, 2015

2369

ადვოკატ ზაზა ბიბილაშვილის მიერ საქალაქო სამართლოში მოსამართლე თამაზ ურთმელიძეზე კაკეთებულ განცხადებას ქიბარ ხალვაშის ადვოკატი, პაატა სალია გამოეხმაურა.
მოსარჩელე მხარის ინტერესების დამცველი არ იზიარებს მოპასუხე მხარის მოსაზრებას, რომ "რუსთავი 2"- ის მოსამართლეს მხრიდან სისხლის სამართლებრივი დანაშაულის ნიშნები იკვეთება.
"არ იყო ეს შუამდგომლობები დასაკმაყოფილებელი. ეს გახდა მოწინააღმდეგე მხარის აღელვების საფუძველი და დააყენეს მოსამართლის აცილების შუამდგომლობა. არ შეიძლება მოსამართლის აცილება იყოს მხოლოდ ის გადაწყვეტილება, რომელიც შეიძლება რომელიმე მხარეს არ მოსწონდეს" - აღნიშნა პაატა სალიამ.

მისი თქმით, ხალვაშის ადვოკატების საპაექრო სიტყვაც შეაფასა. სალია აცხადებს, რომ სიტყვა დაფუძნებული იყო სამართლებრივ ასპექტებზე.
"ვთვლი, რომ ადგილი აქვს იძულებით დადებულ და ამორალურ გარიგებებს ქიბარ ხალვაშთან. წილების რეალური ღირებულება გაცილებით მაღალია, ვიდრე მითითებულია ხელშეკრულებაში, რომელიც დაიდო. ხალვაშს ხელშეკრულებაში მითითებული თანხაც არ აუღია", - განაცხადა პაატა სალიამ.
"რუსთავი 2"-ის ინტერესების დამცველმა, ზაზა ბიბილაშვილმა მოსამართლე თამაზ ურთმელიძის ქმედებებში სისხლის სამართლებრივი დანაშაულის შესაძლო ნიშნებს განცხადება მას შემდეგ გააკეთა, რაც მოსამართლემ მოპასუხე მხარის არც ერთი შუამდგომლობა არ დააკმაყოფილა, სხდომა კი ხვალ დანიშნა.
"ყველაფერი არის უსაფუძვლო და დაუსაბუთებელი. ე.წ. მტკიცებულება, რომელსაც ურთმელიძე- ხალვაში ეყრდნობა, არის ორ ფარატინა ყალბ ფურცელზე დაფუძნებული დასკვნა.
"რუსთავი2"-ის საქმეზე ქიბარ ხალვაშის სარჩელის განხილვა საქალაქო სასამართლოში ხვალ, 11:00 საათზე გაგრძელდება.