რუსთავი 2-ის საქმეზე სასამართლო პროცესი ხვალ, 10:00 საათზე განახლდება

სამართალი - 18:31, 25 Oct, 2015

1326

ხვალ 10:00 საათზე, საქალაქო სასამართლოში რუსთავი 2-ის საქმეზე სასამართლო პროცესი განახლდება.

ორშაბათს გახდება ცნობილი, მოსამართლე თამაზ ურთმელიძის პასუხი თანხის ჩარიცხვის შესახებ რუსთავი 2-ის ადვოკატების შუამდგომლობაზე. ტელეკომპანიის იურისტები ითხოვენ, ქიბარ ხალვაშმა საერთო სასამართლოების სადეპოზიტო ანგარიშზე ჩარიცხოს 700 ათასი დოლარი, რომელიც, მათი თქმით, არის იმ ზარალის საფასური, რომელიც კომპანიამ სარჩელის უზრუნველყოფის მიზნით, ქონების დაყადაღებით მიიღო.

ცნობილია, რომ თამაზ ურთმელიძემ არ დააკმაყოფილა ადვოკატების კიდევ ერთი შუამდგომლობა, რომლის თანახმადაც ისინი სამხარაულის ექსპერტიზის დასკვნის ამოღებას ითხოვენ. ადვოკატები აცხადებენ, რომ დასკვნა ყალბი დოკუმენტების საფუძველზეა შედგენილი.

ადვოკატებს კიდევ ერთი შუამდგომლობა ჰქონდათ დაყენებული, რომელიც მოსამართლემ არ დააკმაყოფილა. ისინი მტკიცებულებებიდან სამხარაულის ექსპერტიზის დასკვნის ამოღებას ითხოვდნენ, რადგან თვლიდნენ, რომ დასკვნა ყალბი დოკუმენტების საფუძველზეა შედგენილი.

მანამდე, თამაზ ურთმელიძემ ადვოკატების კიდევ ერთი შუამდგომლობა არ დააკმაყოფილა, რაც მესამე პირად უცხოური კომპანიების ჩართვას ითვალისწინებდა. მოსამართლემ ასევე უარი თქვა საქმის აცილებაზე.