მოსამართლემ პროცესის გადადებასთან დაკავშირებით „რუსთავი 2“-ის ადვოკატების შუამდგომლობა არ დააკმაყოფილა.

დაცვის მხარე პროცესის გადადების მიზეზად პროცესზე „რუსთავი 2“-ის გენერალური დირექტორის ნიკა გვარამია არდასწრებას ასახელებდა.

გვარამია 12:00 საათზე პროკურატურაშია დაბარებული. ის გუშინ გაკეთებული განცხადებების საფუძველზე უნდა დაკითხონ.

ამ წუთებში საქალაქო სასამართლოში მიმდინარე პროცესზე შესვენებაა გამოცხადებული. გვარამიას ადვოკატები ცოტა ხანში გადაწყვეტენ, დარჩებიან პროცესზე, თუ გაჰყვებიან „რუსთავი 2“-ის გენერალურ დირექტორს პროკურატურაში.