თელასში რუსი აუდიტორები შევიდნენ. თელასის შემოწმება მას შემდეგ დაიწყო რაც თბილისიდან მოსკოვში წერილი გაიგზავნა.

"თელასის ბიუჯეტი იძარცვება და ხალხის მიერ გადახდილი ფული კონკრეტული ადამიანების ჯიბეებში მიდის. ელექტროენერგიაზე გაზრდილი ტარიფითაც კი შეუძლებელია შეივსოს თელასის ბიუჯეტის დეფიციტური ნაწილი, ფული იფლანგება და მილიონებით ლარით ჩინოვნიკები მდიდრდებიან,"- წერია დასკვნაში.

ამავე წერილში ნახსენებია მოსამართლე ურთმელიძე. წერილის ავტორებისგან ირკვევა, რომ ურთმელიძე კორუფციულ გარიგებაშია გარეული. არსებობს შეხვედრის კადრებიც, რომელიც ამას ადასტურებს.

სკანდალური დოკუმენტის ავტორის, ბრალდებების ერთ-ერთი მთავარი ობიექტი თელასის იურდიული დეპარტამენტის ხელმძღვანელი დავით დოიჯაშვილია. ამ წერილით ირკვევა, რომ დოიჯაშვილი მრავალმილიონიან დავებს სასამართლოში განგებ აგებს, მოგებული მხარე კი ფულს თელასის ნაცვლად მას უხდის.

თელასში დღეს წერილის არსებობა დაადასტურეს, თუმცა მასზე კომენტარის გაკეთება არ ისურვეს.

"ეს არის გეგმიური შემოწმება. ეს არის ერთი შიდა აუდიტი ინტერაოს მიერ ასევე გარე აუდიტი. ანონიმური წერილი გაიგზავნა ამის შესახებ ვიცით, მაგრამ ამის შესახებ ჩვენი მხრიდან შეფასება უხერხულია,"- აცხადებენ თელასში.

წყარო: "რუსთავი 2"