ე.წ. კორტების სპეცოპერაციის საქმეზე პროცესი 23 ოქტომბერს განახლდება, განაჩენი კი სავარაუდოდ 26 ოქტომბერს გამოცხადდება.

დღევანდელ პროცესზე ბრალდების მხარე დასკვნითი სიტყვით წარსდგა. პროკურატურა პოლიციის ყოფილი მაღალჩინოსნებისთვის პატიმრობის შეფარდებას მოითხოვს. პროკურორების თქმით, მათ ყველა მტკიცებულება აქვთ, რაც ბრალდებულების მიერ დანაშაულის ჩადენის ფაქტს ადასტურებს.

პროკურატურის პოზიციას არ იზიარებს დაცვის მხარე. ადვოკატი დავით ხაჟალია ამბობს, რომ ბრალდების მხარის დასკვნითი სიტყვა ნამდვილად არ იყო იმ სტანდარტით არგუმენტირებული, რომ სასამართლომ გადაწყვეტილება მიიღოს განზრახ მკვლელობის ნაწილში.

„ბრალდების მხარემ სასამართლოს სთხოვა ერთადერთი, რომ სწორი გადაწყვეტილება მიიღოს, რაც ბუნებრივია, გულისხმობს გამამტყუნებელი განაჩენის გამოტანას ყველა ბრალდებულის მიმართ", - განაცხადა დავით ხაჟალიამ.

შეგახსენებთ, რომ განზრახ მკვლელობის, განზრახ უკანონო დაკავებისა და მტკიცებულებათა ფალსიფიკაციის ბრალდებებით 11 ადამიანია დაკავებული.