მოსამართლე ურთმელიძე „რუსთავი 2“-ის საქმის თვითაცილებაზე უარს ამბობს

სამართალი - 12:17, 19 Oct, 2015

3107

მოსამართლე ურთმელიძე „რუსთავი 2“-ის საქმის თვითაცილებას არ აპირებს. ამასთან დაკავშირებით მოსამართლემ ტელეკომპანიის დაცვის მხარეს თავად განუცხადა. ურთმელიძის თქმით ის დაელოდება, რომ მისი აცილების შუამდგომლობა დაცვის მხარემ დააყენოს.

მოსამართლის მიერ გაკეთებული განცხადების შემდეგ, საქალაქო სასამართლოში რუსთავი2-ის იურისტებმა მოითხოვეს, მოსამართლის აცილების შუამდგომლობის წარსადგენად აუდიო-ვიზუალური საშუალებების გამოყენება, მოსამართლემ ეს მოთხოვნა დააკმაყოფილა და სხომაზე ტექნიკური სამუშაოების განსახორციელებლად რამდენიმე წუთით შესვენება გამოცხადდა. მასალაში წარმოდგენილი იქნება რუსთავი ორის და მისი გენერალური დირექტორის მისამართით მოსამართლე თამაზ ურთმელიძის მეუღლის მიერ ფეისბუკში გაკეთებული განცხადებები. ამასთანავე ხელისუფლების წარმომადგენლების საჯარო განცხადებები. დაცვის მხარის განცხადბით მოსამართლე ზეწოლას განიცდის პროკურატურის მხრიდან.

შეგახსენებთ, ტელეკომპანია "რუსთავი 2"-მა რამდენიმე დღის წინ გაავრცელა ინფორმაცია იმის თაობაზე, რომ სიძეზე ნაჯახით განხორციელებული თავდასხმის გამო პროკურატურა მოსამართლე თამაზ ურთმელიძის დედის სისხლის სამართლის პასუხისგებაში მიცემას აპირებდა. ტელეკომპანიის ცნობით, ამით პროკურატურა ახორციელებს ზეწოლას მოსამართლეზე. პროკურატურამ ზეწოლა უარყო, მაგრამ მართლაც წაუყენა ბრალი მოსამართლის დედას ზემოთ აღნიშნულ ფაქტზე.