ცოტა ხნის წინ საოკუპაციო რეჟიმის წარმომადგენლებმა 2 ახალგაზრდა ქარელის რაიონიდან გაიტაცეს. 18 და 20 წლის ბიჭების გატაცება სოფელ დვანის ტერიტორიიდან მოხდა.

როგორც ,,ნიუპოსტის" კორესპონდენტი იტყობინება, ახალგაზრდების დაკავება იმ დროს მოხდა, როდესაც ისინი ქართველი სამართალდამცველების კონტროლირებად ტერიტორიაზე კაკალს აგროვებდნენ. ადგილობრივებმა მომხდარის შესახებ სამართალდამცველებს უკვე აცნობეს, სხვა დეტალები კი ამ დროისთვის უცნობია.

რაც შეეხება გორის მუნიციპალიტეტის სოფელ წითელუბნიდან რამდენიმე დღის წინ გატაცებულ მამაკაცებს, ისინი დეფაქტო რეჟიმის წარმომადგენლებმა დღეს დილით ჯარიმის გადახდის სანაცვლოდ გაათავისუფლეს.