"არავინ არ არის დასახელებული ეჭვმიტანილად"- ფატუ ბენსუდა მიუკერძოებელი გამოძიების პირობას დებს

სამართალი - 19:34, 16 Oct, 2015

2108

ჰააგის სასამართლოს პროკურორის განცხადებით საერთაშორისო სასამართლოს ერთადერთი მიზანია, წერტილი დაუსვას დაუსჯელობას მსოფლიოში ჩადენილი უმძიმესი დანაშაულის გამო, როგორიც არის გენოციდი, ომის დანაშაული და კაცობრიობის წინაშე ჩადენილი დანაშაულები. ამასთან დაკავშირებით ფატუ ბენსუდამ სასტუმრო „ქორთიარდ მარიოტში“ გამართულ პრესკონფერენციაზე ისაუბრა.

პროკურორის თქმით, თუ მას გამოძიების დაწყების ნებართვა მიეცა, მისი მიზანი იქნება, რომ პასუხისმგებლობის წინაშე ყველა ის ადამიანი დააყენოს, ვისაც პასუხისმგებლობა ეკისრებათ.

„თუ მე მომცეს გამოძიების დაწყების ნებართვა, ჩვენი მიზდამოანი იქნება პასუხისმგებლობის წინაშე დავაყენოთ ყველა ის პიროვნება - ვინც უნდა იყოს, რომელსაც სისხლის სამართლის პასუხისმგებლობა ეკისრება. ჩვენ გვაქვს ეს ვალდებულება დაზარალებულების მიმართ. ჩვენ მას შევასრულებთ მკაცრად და ვიქნებით დამოუკიდებელი და მიუკერძოებელი“, - განაცხადა ფატუ ბენსუდამ.

პროკურორის თქმით ჯერჯერობით ეჭვმიტანილებად დასახელებული არავინაა და ეს მხოლოდ გამოძიების შედეგად უნდა მოხდეს.

„გამოძიება ახლა არ მინდინარეობს. შეტანილი გვაქვს შუამდგომლობა გამოძიების დაწყებასთან დაკავშირებით. არავინ არ არის დასახელებული ეჭვმიტანილად. ეს უნდა მოხდეს მხოლოდ გამოძიების შედეგად. ამ პირებზე საუბარი საერთოდ არ არის, რადგან ველოდები გამოძიების ნებართვას“, - განაცხადა ფატუ ბენსუდამ.

ფატუ ბენსუდას განცხადებით, სასამართლო დაიცავს იმ მოწმეთა უსაფრთხოებას, რომელთაც პროკურორი გამოძიების ეტაპზე გამოიყენებს. ამის შესახებ ბენსუდამ ჟურნალისტებთან შეხვედრისას განაცხადა.

„ჩვენ უკვე ვფიქრობთ იმ კონკრეტულ მექანიზმზე, თუ როგორ დავიცავთ იმ მოწმეებს, ვისთანაც გვექნება კონტაქტი. ჩვენ უნდა შევაფასოთ, რომელ მოწმეს რა დახმარება სჭირდება. სხვადასხვა მექანიმზი შეიძლება იყოს. ერთ-ერთი ყველაზე რადიკალური მექამიზმი არის მოწმის საცხოვრებელი ადგილის შეცვლა. რომელ მოწმესთანაც გვექნება კონტაქტი, იმ მოწმეს დავიცავთ“, - განაცხადა ბენსუდამ.

ამასთანავე პროკურორი ვერ აკონკრეტებს, თუ თუ როდის შეიძლება, საერთაშორისო სასამართლოს მოსამართლეთა პალატამ მისცეს ნებართვა, აგვისტოს ომის გამოძიებაზე და ნებართვის მიღების შემდეგ რამდენ ხანს გასტანს გამოძიების პროცესი.