საბურთალოზე ჰასკის ჯიშის ძაღლი მესამე სართულიდან გადმოვარდა, ამის შესახებ ინფორმაციას თამაზ ელიზბარაშვილის თავშესაფრის ფეისბუკგვერდი ავრცელებს და ამასთანავე ძაღლის პატრონის ვინაობის დადგენაში დახმარებას ითხოვს:

„დღეს ძაღლის განწირულმა ხმამ საბურთალოს რაიონის, ,,შანხაის უბნის“ მაცხოვრებლები შეძრა...
თავშესაფრის მეგობარს დავით ტოღოსიანს დაუნახავს, როგორ გადმოვარდა ეს ჰასკი ( 1წლამდე, ძუ) მესამე სართულიდან .

დავითმა მაშინვე ჩვენთან დარეკა და დახმარება გვთხოვა. ჩვენი გჯუფი დაუყოვნებლივ მივიდა ძაღლის საშველად.
საბრალო ჰასკი თვალებით ითხოვდა დახმარებას. წამოვიყვანეთ და რენდგენი გადავუღეთ, რის საფუძველზეც გამოცდილმა ექიმებმა თქვეს, რომ ხერხემალია დაზიანებული. შუაზე გადახსნილი ხერხემალი ფოტოდანაც კარგად ჩანს.
ძნელი წარმოსადგენი არაა, როგორ იტანჯება ტკივილებისგან ეს უსახელო ჰასკი.
ხვალ დაიგეგმა მისი ოპერაცია. თუ როგორ გადაიტანს ქირურგიულ ჩარევას, ამას აუცილებლად ვაცნობებთ ჩვენს მკითხველს.
რაც შეეხება ძაღლის პატრონს, ამ დრომდე დაუდგენელია მისი ვინაობა.
იქნებ ჩვენი გვერდის მეშვეობით მაინც შევატყობინოთ, რომ მისი მეგობარი აქ არის.
გაავრცელეთ, მეგობრებო!“