"სასამართლომ საფინანსო სექტორის კოლაფსი აგვარიდა"

"სასამართლომ საფინანსო სექტორის კოლაფსი აგვარიდა" - უმცირესობის შეფასებები

სამართალი - 20:13, 12 Oct, 2015

1446

მას შემდეგ რაც საკონსტიტუციო სასამართლომ ეროვნული ბანკის შესახებ "ნაციონალური მოძრაობისა" და "თავისუფალი დემოკრატების" სარჩელი წარმოებაში მიიღო და საფინანსო ზედამხედველობის სააგენტოს მუშაობა შეაჩერა, საპარლამენტო ოპოზიციის წევრებმა სასამართლოს გადაწყვეტილება შეაჩერეს. "თავისუფალი დემოკრატების" წევრის, ადვოკატ შალვა შავგულიძის განცხადებით, საკონსტიტუციო სასამართლომ ქვეყანა მოსალოდნელი ეკონომიკური კოლაფსიგან იხსნა.
"არსებიბდა საფინანსო სექტორის კოლაფსის საფრთხე, სასამართლომ გინივრული გადაწყვეტილებით, ააცილა ქვეყანას ეს საშიშროება"- აღნიშნა მოსარჩელე მხარის წარმომადგენელმა შალვა შავგულიძემ, რომელიც გაწეული სამუშაოსთვის "თავისუფალი დემოკრატების" ერთ-ერთმა ლიდერმა შეაქო.
"ვენაცვალე შალვა შავგულიძეს! ყოველთვის ბოლომდე იბრძოდა - წინა ხელისუფლების დროსაც და ახლაც! უმაღლესი კლასის იურისტია, მაგრამ. რაც მთავარია, ღირსების, წესიერების და ერთგულების მაგალითია! ვთქვით თავისუფალმა დემოკრატებმა პირველებმა, სარჩელს დავდებთ და ვიბრძოლებთ თქო? სარჩელიც დავდეთ და შედეგიც! წინ გამარჯვებისკენ!"- დაწერა ალექსი პეტრიაშვილმა.
ენმ - ში მიიჩნევენ, რომ სასამართლოში გამართულ მოსმენაზე "ნაციონალურმა მოძრაობამ" და "თავისუფალმა დემოკრატებმა" საკმარისი არგუმენტების წარდგენა შეძლეს იმის საჩვენებლად, რომ საფინანსო ზედამხედველობის სამსახურის ეროვნული ბანკიდან გამოყოფის თაობაზე ხელისუფლების გადაწყვეტილება არ არის კონსტიტუციური.

"ძალიან მნიშვნელოვანია, რომ სარჩელის წარმოებაში მიღების გარდა, საკონსტიტუციო სასამართლომ შეაჩერა ის ნორმებიც, რომლებიც ბიძინა ივანიშვილის დავალებით და მეჭიაურის ხელდასმით საპარლამენტო უმრავლესობამ მიიღო. საკონსტიტუციო სასამართლოს გადაწყვეტილება სახელმწიფო ინსტიტუტების მოშლის პროცესს შეაჩერებს, კონსტიტუციით განსაზღვრული ფუნქციები კი დარჩება ეროვნულ ბანკს, მათ შორის საბანკო ზედამხედველობის ნაწილში ანუ ვაკუუმი არ იქმნება", - განაცხადა ზურაბ ჭიაბერაშვილმა.