მთავარ პროკურატურაში „თი-ბი-სი“ ჯგუფის პრეზიდენტი მამუკა ხაზარაძე, ვახტანგ ბუცხრიკიძე და ზაზა კიკვაძე დაკითხეს.

საგამოძიებო უწყებაში ისინი 5 საათის განმავლობაში იმყოფებოდნენ. დაკითხვის დასრულების შემდეგ მათ ჟურნალისტებთან კომენტარი არ გააკეთეს, თუმცა ცნობილია, რომ კითხვები „ტექნო ბუმის“ მფლობელების მხრიდან ფულის შესაძლო გათეთრებას ეხება.

„ბევრი კითხვები ჰქონდათ. ჩვენც ვუპასუხეთ სრულად და მინდა გითხრათ, კმაყოფილი ვართ, რომ მოხდა ეს შეხვედრა და ვუპასუხეთ ყველა იმ შეკითხვას, რაც დაგვისვეს. ეს „ელიტ-ელექტრონიქსს“ და „ტექნო ბუმს“ ეხება“, - განაცხადა მამუკა ხაზარაძემ "კურიერთან" საუბრისას.