ვფიქრობ, პროცესის გამჭვირვალობა ეჭვქვეშ არ დგას

ვფიქრობ, პროცესის გამჭვირვალობა ეჭვქვეშ არ დგას - გვენეტაძე "რუსთავი 2"- ზე

სამართალი - 20:17, 07 Oct, 2015

1981

უზენაესი სასამართლოს თავმჯდომარე ნინო გვენეტაძემ "რუსთავი 2" - ის საქმის კომენტირებისას განაცხადა, რომ როცესზე დასწრების, გაშუქების, შეფასებისა და კრიტიკის გამოთქმის უფლება არსებობს.
“

რუსთავი 2-ის საქმესთან დაკავშირებით იუსტიციის უმაღლესმა საბჭომ გააკეთა განცხადება და შეგიძლიათ, ნახოთ ეს განცხადება. ასევე ვიტყოდი ყველა საქმესთან დაკავშირებით, რომ ჩვენი საკანონმდებლო ბაზა პროცესის გამჭვირვალობასთან დაკავშირებით ფაქტობრივად სრულყოფილია. პროცესზე დასწრების, გაშუქების, შეფასებისა და კრიტიკის გამოთქმის უფლება არსებობს ღიად და ამდენად, ეს პროცესი მიმდინარეობს. მე ასევე ვისურვებდი, რომ სასამართლოსაც მიეცეს ფუნქციონირებისა და მართლმსაჯულების განხორციელების საშუალება. თუმცა ასევე გავიმეორებ ჩვენს მიერ განცხადებაში გამოქვეყნებულ დებულებებს, რომ ჩვენ მზად ვართ კრიტიკისათვის. თუმცა სამართალწარმოების პროცესს გარკვეული სიმშვიდე და მხარდაჭერა სჭირდება და ეს უკვე მხარეების გადასაწყვეტი პოზიციებია. ამიტომ, საკანონმდებლო დონეზე პროცესის გამჭვირვალობა ამ შემთხვევაში, ვფიქრობ, ეჭვქვეშ არ დგას"- აღნიშნა გვენეტაძემ.