"ნარმანიას მინდა ბოდიში მოვუხადო" - ჯოკია ბოდოკია დუმილს არღვევს

სამართალი - 16:25, 07 Oct, 2015

10160

მერიის ზედამხედველობის სამსახურის აპარატის ყოფილი უფროსი, ბრალდებული ჯოკია ბოდოკია მედიაში გავრცელებულ ინფორმაციას სასამართლო პროცესზე გამოეხმაურა.

ბოდოკიამ დღეს კატეგორიულად უარყო ინფორმაცია, რომ ქრთამის სახით აღებული თანხა დავით ნარმანიას ძმისთვის, ირაკლი ნარმანიასთვის უნდა მიეტანა.

"ირაკლი ნარმანიას მინდა ბოდიში მოვუხადო. ამ საქმედან გამომდინარე პრესის საშუალებით გავრცელებულდა ინფორმაციები და ტალახი მიეცხო მას. თქვეს, რომ ფული მასთან უნდა მიმეტანა. ირაკლიმ პრესკონფერენცია ჩააატარა და რაც თქვა ვეთანხმები. მე არჩევნებში გავიცანი და მას შემდეგ მასთან კონტაქტი არ მქონია,"- განაცხადა ჯოკია ბოდოკიამ.

მისი თქმით, ნარმანიას 1999 წლიდან იცნობს, თუმცა ახლო მეგობრობა არასოდეს აკავშირებდა.
ჯოკია ბოდოკიამ ალექსანდრე მარგიშვილთან დაკავშირებითაც ისაუბრა.
"ალექსანდრე მარგიშვილს არ ვიცნობ, მხოლოდ ერთხელ მყავს ნანახი, როდესაც ყოფილი ვიცე-მერი თანამშრომლებთან მივიდა და 31 დეკემბერს ახალი წლის დადგომა მიულოცა" - თქვა მან.
რაც შეეხება მერიის ზედამხედველობის სამსახურის უკვე ყოფილ უფროსს გეგი ნიჟარაძეს, როგორც ბოდოკიამ აღნიშნა, იგი სწორედ ნიჟარაძის შეთავაზების საფუძველზე მივიდა ზედამხედველობის სამსახურის აპარატის უფროსის მოვალეობის თანამდებობაზე და გაიარა კონკურსი.