ე.წ. მოდულის შენობასთან ავტოსაგზაო შემთხვევის შედეგად სახელმწიფო უსაფრთხოების სამსახურის 5 ავტომანქანა დაზიანდა. არსებული ინფორმაციით, ერთმანეთს ორი ავტომობილი შეეჯახა, რის შედეგად ერთი მოსრიალდა და "მოდულის" შენობასთან გაჩერებულ ავტომანქანებს დაეჯახა.

როგორც ცნობილია, ავტომობილში რამდენიმე ახალგაზრდა იმყოფებოდა. შემთხვევის შედეგად მსუბუქი დაზიანება მიიღო 2-მა პირმა.

როგორც ნიუპოსტს შსს-ში განუცხადეს, ფაქტზე გამოძიება სსკ-ის 276-ე მუხლის პირველი ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.