7 ნოემბრის საქმის განხილვაზე მოსამართლეებს შორის სიტყვიერი დაპირისპირება მოხდა. დაცვის მხარემ მოსამართლე ლილი მსხილაძის აცილება მოითხოვა და ამის მიზეზად ის ფაქტი დაასახელა, რომ წლების წინ აღნიშნულ მოვლენებზე დასკვნა სწორედ სხილაძემ დადო.

ადვოკატმა ოთო კახიძემ განაცხადა, რომ მათ მოსამართლის აცილებასთან დაკავშირებით საკუთარი შუამდგომლობის პრეზენტაციის სახით წარდგენა სურდათ. აღნიშნულ მოთხოვნაზე მოსამართე მსხილაძემ უარი განაცხადა, თუმცა მას კოლეგები არ დაეთანხმნენ.

"არაფერი არ მაქვს დასამალი და სიმართლე ვთქვა, მაინტერესებს რა ინფორმაცია მოიძიეთ ჩემზე. არ მაშფოთებს ის ინფორმაცია, რაც აქ გაჟღერდება მე მაშფოთებს ის პრეცედენტი, რაც აქ შეიქმნა. სამწუხაროდ, ჩემმა კოლეგებმა არასწორი გადაწყვეტილება მიიღეს",-განაცხადა მოსამართლე ლალი მსხილაძემ.

ამ განცხადების შემდეგ საქმის ერთ-ერთმა მოსამართლემ თვითაცილება მოითხოვა.

„თუ ქალბატონ ლილის მიაჩნია, რომ მას ჰყავს არაკომპეტენტური მოსამართლეები შემადგენლობაში მე ჩემი თვითაცილების საკითხს ვაყენებ. ძალიან შეურაცხყოფილი ვარ, როგორც მოსამართლე“, - განაცხადა მსხილაძის კოლეგამ.