„რუსთავი 2“-ის მხარდამჭერ აქციაზე დაკავებულთა სასამართლო პროცესი დღეს ქუთაისის საქალაქო სასამართლოში გაიმართება.

ნიკა ნარსიას, მირიან დეისაძესა და კახა გაბუნიას ხულიგნობაში ედებათ ბრალი.

უკვე ცნობილია, რომ პროკურატურა მათთვის პატიმრობის შეფარდებას ითხოვს.

დაკავებულებს ბრალი ოფიციალურად გუშინ წაუყენეს. დასცვის მხარე პროცესზე მოითხოვს, რომ ბრალდებულები აღკვეთი ღონისძიების გარეშე დარჩნენ.

დაკავებულები და მათი ახლობლები პროტესტის ნიშნად შიმშილობენ.

შეგახსენებთ, 3 პირი "რუსთავი 2"-ის მხარდამჭერ აქციაზე 3 ოქტომბერს დააკავეს.