პროკურატურა რუსთავი 2-ის მხარდამჭერ აქციაზე დაკავებულთა მიმართ პატიმრობას ითხოვს

სამართალი - 19:01, 04 Oct, 2015

2051

საგამოძიებო ორგანომ უკვე მიმართა ქუთაისის საქალაქო სასამართლოს "რუსთავი 2"-ის მხარდამჭერი აქციაზე დაკავებულებისათვის პატიმრობის შეფარდების მოთხოვნით. ჯერ-ჯერობით, უცნობია როდის ჩაინიშნება საქალაქო სასამართლოში პროცესი, თუმცა მუხლი, რომელიც დაკავებულებს აქვთ წაყენებული 7 წლამდე პატიმრობას ითვალისწინებს.

მათ ბრალი ცოტა ხნის წინ წაუყენეს. ინფორმაცია ამის შესახებ, რამდენიმე წუთის წინ, ქუთაისის წინასწარი დაკავების იზოლატორიდან გამოსვლის შემდეგ დაკავებულთა ადვოკატმა გაავრცელა. დასცვის მხარე პროცესზე მოითხოვს, რომ ბრალდებულები აღკვეთი ღონისძიების გარეშე დარჩნენ

,,საქმეში არანაირი მტიკცებულება არ არსებობს მათი ბრალეულობის დამამტკიცებელი. მე ვითხოვ, რომ გამოიყენონ პირადი თავდებობა ან გირაო“ - განაცხადა ელისო დათუსანმა ,,კურიერთან“ კომენტარში.

ადვოკატის თქმით, დაკავებული 3 პირიდან ორის მიმართ დაწყებულია გამოძიება სისხლის სამართლის კოდექსის 239-ე მუხლით, რაც ხულიგნობას გულისხმობს და 4-7 წლამდე პატიმრობას ითვალისწინებს.კიდევ ერთ დაკავებულს მირიან დეისაძეს კი ხულიგნობასთან ერთად საგამოძიებო ორგანო აგვისტოში მომხდარი ფაქტის გამო ედავება, კერძოდ, დეისაძის ახლობელების განცხადებით, მას კონფლიქტი მოუვიდა საკუთარ სიძესთან. ელისო დათუსანის განცხადებით დაკავებულები არ აღიარებენ დანაშაულს და პროტესტის უკიდურეს ფორმას, შიმშილობას მიმართავენ.