მთავარი პროკურორის პირველი მოადგილის ირაკლი შოთაძის თქმით, ეროსი კიწმარიშვილის საქმეზე საგამოძიებო მოქმედებები მალე ამოიწურება.

როგორც შოთაძე ამბობს, გამოძიების პროცესში უამრავი ექსპერტიზა და საგამოძიებო მოქმედება ჩატარდა, რომლის შესახებ ოჯახი ინფორმირებულია.

„ეროსი კიწმარიშვილის გარდაცვალების საქმეში ბევრი საგამოძიებო მოქმედებაა ჩატარებული. ჩატარებულია ბევრი ექსპერტიზა. ამ საკითხზე კომუნიკაცია გვქონდა მის ოჯახთან. შესაბამისად, არ გვინდოდა, რომ ის ინფორმაცია, რაც სისხლის სამართლის საქმეში უკვე მოპოვებულია და რაზეც სრული ვწდომა აქვს კიწმარიშვილის ოჯახს, გაგვეხადა საზოგადოებისთვის ნათელი, ვიდრე არ ამოვწურავდით იმ საგამოძიებო მოქმედებებს, რომელსაც ოჯახი ითხოვდა. საგამოძიებო მოქმედებები მალე ამოიწურება და საზოგადოებას სრულად გავაცნობთ გამოძიების შედეგებს“, - განაცხადა შოთაძემ.